شباب اليوم جايبلكم اكلة فرنسية بس تعتبر من الذ الاكلات في العالم
ها جاهزين
نبدي
كولو يا الله
اول شي تغسلون ايدكم زين
ثانيا تنشفون ايدكم بالخاولي
ثالثا تسدون البوري مال المي خوما تعوفون المي مفتوح
رابعا تروحون للمطبخ
خامسا تتاكدون اكو غاز اخاف الغاز يخلص من القنية لان الاكلة كلش طويلة واحتمال القنية متكفي
سادسا تجيبون شخاطة
سابعا تشعلون الطبخاخ على العين الجبيرة
ثامنا تحطون طاوة ( تيفال ) وانتبهو لازم تيفال حتة الاكل ميحترك
تاسعا تحطون زيت (يعني دهن )
عاشرا تخلون الدهن يحترك يعني يكوم يطلع دخان
دعش تروحون تتمشون الى الثلاجة
وتفتحون باب الثلاجة
اكو بالباب مال الثلاجة مكان يحطون بي البيض
تاخذون 2 بيضة يعني بيضايتين بس مو اكثر زين
بعدين تتوجهون مرة اخرى الى الطباخ لان الدهن احترك ابو ابوووو
وتركعون البضة ركعة خفيفة على احد جوانب الطباخ
ثم تضعون البيض في داخل الطاوة
ثم تتركونهو يبقبق ( حلوة يبقبق مو ) ههههه
ثم تاخذون خاشوكة (ملعقة اكل ) وتغرفون الدهن وتشمروه على وجه البيض حتة يستوي
ثم تشيلون البيض بالخاشوكة الى الماعون ( الصحن سابقا )
ولا تنسون ان تطفون النار كي لا تشتعلو وينهجم بيتكم
وثم تضعون الفلفل الاسود والملح واذا ارتم ضعو قليلا من الصاص او الكجب علية لتعطيه طعما طيبا
وثم تاتون بالخبزة او الصمون
ثم تاكلون
ولا تنسو ان تغسلو ايديكم من الزفر مال البيض
وبالعافية
الإثنين فبراير 18, 2008 5:57 pm
