السلام عليكم
ماهو الفيروس ..
الفايروس هو عبارة عن بنامج صغير يعمل ذاتياً وبدون علم او موافقة المستخدم للجهاز .. ويجب ان يلاقي معيارين للعمل :
1- المعيار الاول : وهو يجب ان ينفذ الفايروس نفسه ذاتيا ويضع شفرته الخاصه في طريق تنفيذ البرنامج الاخر ..
2- المعيار الثاني : وهو يجب ان ينسخ نفسه ذاتيا كذلك . يعني قد يقوم بأستبدال ملف ملف تنفيذي لبنامج بملف مصاب بالفيروس نفسه .. وهذا الشي يصير بكل انواع الحاسبات سواء حاسبتنا او السيرفرات ..
بعض الفايروسات .. تتبرمج حتى تتلف الحاسبة بالبرامج الضارة , والبعض منها يمسح الملفات من الحاسبة , والبعض الاخر يتبرمج حتى يسوي فورمات للحاسبة كلهه , ( هذا ابن حمولة كلش )
اكو نوع اخر وهذا النوع ميسوي اي شي من اللي ذكرناه فوك .. لكن بكل بساطه هذا يضاعف نفسه بأستمرار .. الى ان يوصل الى اعداد هائلة بحيث تأدي الى مليء الذاكرة ومثل هذا النوع قد يُظهر نفسه من خلال ملفات كتابة او صوتية او صورية وماشاكل ذلك ( وهذا الشي كان يسبب المشاكل سابقا لكن في الوقت الحالي صار فد شي عادي بالنظر لتطور التكنلوجيا وزيادة حجم الذاكرة )
ومثل هذا النوع قد يتسبب كذلك بالعديد من المشاكل الاخرى .. يعني يسبب اضرار بالنظام او بعض انوع المشاكل او تصادم او خسارة البيانات ..
خمسة انواع من الفيروسات معترف بها ..
1- File Infector Viruse :هذا النوع من الفايروسات يُصيب ملفات البرامج , حيث تصيب الشفرات التنفيذية للبرامج , مثل الملفات التي يكون امتدادهه com و exe .
طبعا هنا تجي امكانية ضرب الملفات الاخرى بالفايروس من شغلات بسيطة .. يعني مثلا نشغل البرنامج المصاب من خلال فلوبي دسك او من خلال سي دي او من خلال الشبكة , طبعا هايه الفيروسات راح تسكن بالذاكرة .. وبهالحالة اي برنامج مبي شي يعني ما مصاب راح يتنفذ بالذاكرة راح يصاب من خلالهم واكو امثلة عليهم مثل Jerusalem و Cascade
2- Boot sector viruses : هذه الفايروسات تصيب منطقة النظام من الدسك , بالمنطقة اللي اسمهه Boot Record سواء من الهارد دسك او الفلوبي دسك , طبعا النوعين اللي ذكرناهم سواء كانو فلوبي او هارد بيهم برنامج صغير يكون بنفس المنطقه الي هي البوت ريكورد هذا البرنامج يشتغل من تشتغل الحاسبة .. هنا تجي الفيكة مال هذا النوع من الفيروسات .. هذا النوع يرفق نفسه بهذا البرنامج الصغير الموجود حتى يشتغل من يشغلون الحاسبه من الدسك المصاب .. وبهالحالة راح يشتغل الفايروس بمجرد عمل الحاسبة طبعا هذه الفايروسات تكون ساكنة بالذاكرة كذلك .. وغالبية هذه الفايروسات انكتبت لنظام الدوس لكن بغض النظر عن نوع النظام كل حاسبة هي هدف للاصابة بمثل هذي الفايروسات ..
اذا هسه وبكل بساطو اذا تريد تضرب الحاسبة مالتك بمثل هذا الفيروس كل اللي تسوي ان تبوت الحاسبة من فلوكي دسك مضروب وهو راح يتكفل بضرب الحاسبة كلهه ..
3- Master boot record viruses : هذا النوع هو اشبه بالنوع السابق حيث يكون مقيم في الذاكرة كذلك ولكن الفرق بين الاثنين هو ان الشفرة الفايروسية وين تكون موجوده .. يعني هذا النوع يخلي النسخه الشرعيه مالته بعدة اماكن .. يعني مثلا وندوز NT اذا انضرب بهذوله مراح يشتغل .. هذا راح يوضحلنا شلون النظام يتعامل وية معلومات الاقلاع .. طبعا هنا اذا انضرب الوندوز بي واذا كان الهارد مالتك FAT راح تكدر تشيله من الدوز بس اذا كان NTFS فراح تتغير طريقة التعامل وياه .. ومن الامثلة علي .. NYB, AntiExe, and Unashamed.
4- Multipartite viruses : (مَعروف كذلك بِpolypartite) هذا النوع يصيب البرامج والبوت ريكورد .. يعني يشتغل على الاثنين .. وهذا النوع صعب تصليحه .. ليش ؟ لان اذا نظفنا منطقة الاقلاع الملفات راح تبقى مضروبه وراح ترجع العمليه من جديد .. وطبعا العمليه بالعكس كذلك لان اذا نظفت البرامج راح تبقى منطقة الاقلاع مشروبة وراح يرجع العمل مره لخ .. ومن الامثلة على هذا النوع .. One_Half, Emperor, Anthrax , Tequilla
5- Macro viruses : هذا النوع من الفايروسات هو الي يضرب البيانات .. وهو اكثر نوع مشهور .. وهمه اللي يكلفون الشركات كلف عالية ووقت كثير حتى يتصلحون .. هذا النوع يكون مبرمج ببرمجة داخلية بحيث يخلي المستخدم هو اللي يأكد العمل مالته .. وسبب كثرتهه هو سهولتهه بالعمل .. وكأمثله عليهه ..W97M.Melissa, WM.NiceDay and W97M.Groov
هسه نجي على باب ثاني بالموضوع ..
شنو هو التروجان او حصان طروادة ؟
هي ملفات تتخذ الوجه الحميد او الوجه الحسن وتختبيء وراءه ولكنها في الحقيقه هي خبيثة .. الفرق المهم بين الفايروس الحقيقي والتروجان هو ان التروجان لا ينسخ نفسه تلقائيا .. حيث ان التروجان يحتوي على شفرة خبيثه بمجرد الايعاز لها تسبب الخساره او سرقة البيانات .. وطبعا طريقة عمله من خلال دعوتك اله لحسابتك يعني من خلال فتح مرفق بأيميل او من خلال تنزيل ملف من الانترنت وتشغيله .. وكمثال علي Trojan.Vundo
الجانب الثاني اللي نريد نعرفه ..
شنو الدودة او ال worm ؟
الدودة هي برنامج ينسخ نفسه من نظام الى نظام اخر بدون استخدام ملف مظيف .. هذا بالمقارنة مع الفايروس من حيث المضيف .. بالرغم من وجودهه داخل الملفات وغالبا ما تكون داخل ملفات الوورد والاكسل .. لكن اكو اختلاف بين استخدام الدودة والفايروس للملف .. الدودة راح تطلع الملف اللي هو مصاب بيهه كماكرو داخلي طبعا .. والملف كله او الوثيقه هو الي راح ينتقل من نظام الى نظام ولذلك لازم نعتبر المف كله عبارة عن دودة ..
هسه نجي على نقطة ثانية .. والي هي خدعة الفايروس او Viruse hoax :
هذا النوع هو عبارة عن رسائل .. تُرسل من خلال البريد الالكتروني ( الايميل ) بعدد اكثر بقليل من الرسائل المتسلسله ..
طبعا راح اذكرلكم بعض العبارات الي يستخدموهه بالخداع ..
• If you receive an email titled [email virus hoax name here], do not open it!
• Delete it immediately!
• It contains the [hoax name] virus.
• It will delete everything on your hard drive and [extreme and improbable danger specified here].
• This virus was announced today by [reputable organization name here].
Forward this warning to everyone you know!
واغلبها راح تكون بهذا النمط متكون ابعد منها .. فأذا متكون متأكد انه هذا هو فايروس لو خدعه اكو مواقع للفحص اونلاين تكدر تتاكد منهه ..
هسه نجي على اخر فقرة واللي هي ..
شنو اللي مو فايروس ..
طبعا من كد ما اكو هوسه وحجي واعلان كومه فايسروسات ووو .. صار اي مشكله عندك بالحاسبه نكول عليهه فايروس .. فمن المهم ان نذكر بعض الحالات اللي هي مو فايروسات .. واللي هي ..
* مشاكل الهاردوير : لا يوجد فايروسات عدهه القابلية على تدمير الهاردوير مالتك كرقائق او ما شابه ذلك .. على الاقل غير منتشرة لحد الان ..
* الصوت اللي يطلع من الجهاز ويه لاتشغيل وماكو اشارة بالشاشه : هذه تكون مشكلة هاردوير عادة .. وتكدر تشوف الدليل مال المذر بورد مالتك حتى تعرف نوع البيب او الصوت الطالع هو دليل على شنو ..
* عندك انتيفايروسات اثنين وواحد منهم دينطيك تقرير اكو فايروس : هذا قد يكون فايروس لكن بصوره عامه يكون تضارب بين الاثنين لان يقره الداتابيس مال الثاني وينطي تقرير بيهه ..
* مايكروسوفت وورد ينطيك تحذير اكو ماكرو : مو شرط يكون الماكو هو فايروس .
* احد الملفات مينفتح عندك : هذا هم مو بالظروره يكون فايروس .. جرب تفتح ملف مشابه اله بالنوع فاذا اشتغل يعني الملف الاول مالتك مضروب يعني بي مشكله ..
* العنوان مال الهارد دسك متغير : كل هارد دسك اله القابليه على تغيير العنوان فتكدر تغيره انت بكل سهوله .
هذه كانت امثله بسيطه عن الشغلات اللي هي مو فايروس ..
ختاما اتمنى اكون توفقت بأن اوصللكم فكره واضحه عن ماهية الفايروس والتفاصيل الاخرى..
الأربعاء فبراير 20, 2008 10:47 am
مشكور 
