تخطب شلع بالناس شنهو انته عنتر *** صفط على اليهواك يمكنه قشمر
خنت الملح والزاد خنت اليحبك***كلما يمر طرواك اللعن واسبك
گلي يابعد الروح وين انت رايح *** ينزف ترى الدلال وظل دمه سايح
گوگل وياهو وياي ادور اميلك *** ومكتوبي بالهوتميل بلكت يجيلك
المدرسه البيها هواي احلى المدارس ... افرح لون بالباب خلوني حارس
كون المدير يكول درسهم انته ... اشرح خمس ساعات بس عن كذلته
الطالبات انجوم وانتي گمرهن ... لشوفتج فدوه يروح عمري وعمرهن
يا حلوة الحلوات نتلاكه يمته ... هو العمر شيفيد من يكضي سكته
اول اريدج دوم عالصف تطلعين ... وحالف قصيده اهديج كلما تنجحين
هاج الكلب اخذيه دفتر للدروس ... وعيوني من تقرين سويها فانوس
خابرت ست مرات طلعتلي امج ... قررت من هاليوم ما راح اكلمج
تمثال الك بالعين وبصفه صوره *** متحف ذهب والناس تحلم تزوره
كل البشر دولار بس انت يورو *** اطلبني بالشدات تلكاني زورو
اخطب شلع بالناس والساحه تشهد *** واعلن حظر تجوال لو مسك احد
سكف البنيته اوياك ضنيته يعمر***بعد المطر ما طاح بس غيمت خر
بس الك اكتب نكاتي وبس الك اكتب شعر***وحته مرتي تغار منك وياك باقي للفجر
اعد الليل ساعة اعلى ساعة *** تاكل اكل بالروح لحظة وداعه
اسمر انا والناس بس جسمي عدهم *** لكن حرام الروح ماتقبل سمرهم
انته امل هالروح وعيوني ترا بيك *** گمت اعشگ انا الطيف چيه بيه الاگيك
(ليل المحبين في الدارمي)
ليل الشتا يهواي اثنعش واثنين ... كضيته بالحسرات وبدمعه العين
انهجم بيته النام واغمضت عينه ... ساعه على ساعه ايزيد نوحه ونينه
لاتظن عيني اتنام واطبك جفنها ... مثل التنكط الماي لوحيد ابنها
كلما يصير الليل يطرن احزانك .. عين العمه ولاشوف خالي مجانك
مانمت ربع الليل نشدوا المخده ... والدمع اصبح سيل للركبه حده
متحزمه بحزامين كل لطمي ويلي ... اطبك نهاري اوياه من يكظي ليلي
مابيه اون ونتين ليلي ونهاري ... من كثر نوحي اعليك ملاني جاري
ذب لك مخده اونام بين الشعايع ... دكان الك بالروح يشري ويبايع
هاك اخذ هاي العين عين التصدليك ... طمها ابجليل تراب جي صدت عليك
ضميته وسط احشاي عن لايبوكوه ... ثاريهم ابناظور بالكلب شافوه
الكلب لمته ونام شينيم العيون ... يبجن وهمه هنا لو شالوا شلون
الام..
يمه الأجه ابن جواد موش ابن غربه *** اصل الستر والطيب واصل المحبه
البنت..
اليخطبني لازم كون انه الاريده *** عنده قصر واموال وسويجه بيده
الام..
عشنه بوفه وبطيب كل الليالي *** لازفه لا كنتور لا مهر غالي
البنت..
يمه زمانج راح بيه انضلمتي *** وذاك الوكت مرفوض مو مثل وكتي
الام..
شرايج لون زنكيل عالحسن حبج *** وملج بعد شهرين وعلينه ذبج
البنت..
بنتج بعدهه اليوم حلوه وزغيره *** مو مشكله من يروح ياخذني غيره
لا تظن حي وانساك يالمنبعك در ... ترتجف كل اعضاي لو شخصك يمر
لا تظن حي وانساك وانسه الليالي ... جثه انه بالتابوت وانته علبالي
لو طال بيه الدرب افرش سنيني دروب ... لو طال بيه الصبر اصبر صبر ايوب
لو كان حبك ذنب خليني اشيل ذنوب ... مكتوب حبك بالكلب حبك قدر مكتوب
وسفه العراق انباع ابهلسهولة***المن نعاتب بيه شنهو النگولة
من كلشي اغار عليك ويغثني كلشي***كسر بجمع ماريد وي غيري تمشي
اجمل تحياتي مدير المنتدى عبدالله الجبارة
الأربعاء فبراير 20, 2008 10:00 am