يلة شبااااااااااااب جايبلكم اليوم احلى الابوذيات
يلة شبااااااااااااااااااااااااااب وين الرد
عكب عينك عليًَ دنياي جدت
لعب وية غيري بس وياي جدت
وأنه الأيدي ابد مايوم جدت
بهجرك راح أمد اثنين اديه
**** **** ****
قلب صافي لون تدري كلبنة
ابد ما يوم عل الغالي كلبنة
احنة ضلوع الك وانت كلبنة
ونخاف على الكلب من كل اذية
**** **** ****
ابد مايوم كلبي الفرح طبله
معلعل ما لكه ياناس طبله
ثنه ركبه زماني ويدك طبله
وكض سبحه وركص جوبي عليه
عليك الروح تنشد ما تمرهه
وامرهه مو بديهه ومات امرهه
وعليك اليوم نعقد مؤتمرهه
وتحددجدوله بموعد الجيه
سكر كاس الخمر من ضاك نفسك
اكو غيرك حلو بس ماكو نفسك
اريدك يا حبيبي اتبوس نفسك
بس بداخلك تنويهه اليه
اجرح عذب بروحي ولك حيل
دوس على الجرح دمي الك حل
ما ريد الحلو الاسمر والاكحل
اريدن گلب يخلص دوم اليه
ترص ايدك واعاني من رصيدك
وانا الصياد واحلم مرة اصيدك
اذا سنتات ظلن من رصيدك
دخيلك بالجذب رمش علية
وحك صوره قريش واحلف والايلاف
الكلب ابحبك لابدل ولا لاف
احبك عشره والميه و الالاف
لان حبك مرض وانتشر بيه
تهاني من الگلب لهلي وناســي
تراها اليوم تحچي لك وناســى
صُبَح بسرور كل ذاچر وناسـي
يصلي اعلى النبي خير البريــة
لعب بيه زماني شلون ... ماراد
نفس روحي يصاحب راح ... ماراد
أكله تريدني ويكول ... ماراد
كصه بكلبي وشعل نيران بيه
أتمنى اكعد وياك بلطف ... وسمار
احبك ياوسيع العين ... واسمر
اكض جاكوج والبسمار ... وسمار
وأدك جسمك على جسمي سويه
غريب استانس بدمعي وديره
و صرت كل يوم بولايه وديره
الوكت بيدي جنت الويه وأديره
لواني ولعب جول بيه.
سبحان الرسم خدك وشم بيه
وتمنيتك عطر بيدي وشم بيه
عيونك حفرن بگلبي وشم بيه
وكل نظرة منك توصلني لمنية
ت
كرس حبچ بدلالي كراس
وحسنچ لو يشوفه يشيب كل راس
ما اگدر اوصفه بالف كراس
خاف اغلط بوصفه شلون بيه
بجفاك المن أتبع مناشير
وتره سهامك بدلالي مناشير
تجي لو أترس الوادم مناشير
وأكلهم منك كل سبب هاي الأذيه
الثلاثاء فبراير 19, 2008 8:22 am
