صحوتي امن المرض صارت .... على شفاك
اريدنك قوي ما شوفك .... علش فاك
اضوگ العسل من خدك او .... على شفاك
وك ماجيس الاكل صبح ومسية
***
وك ما ينگال سرنة .... وكتمنة
اعيش سنين لو لحظة .... وكت منة
اطلب گول وشتأمر .... وك تمنة
لقلع العين وتاخذهة هدية
***
حياتة انگضت مو تعقيد .... بس بس
اندهة مثل ما انده البزون .... بس بس
وك ما ردت منك شي غير .... بس بس
انطيهة ونطيك عمري هدية
***
نهاية اليوم خابر عالگلب .... داد
حرف حرفين جمعن كونن .... داد
ولچ انة اريدن للگلب .... داد
وچ قبلي وخل الباقي علية
***
وجهك يشع كل اليوم .... ناراك
تحديت المخاطر لجل لحظة .... وناراك
انچويت بحبك وريد اسبح ..... بناراك
لان نارك مثل العسل علية
***
گلبي ما هجر گلبك .... ومامال
ابد ما يوم خان الگلب .... ومامال
احبك من قبل حبك .... ومامال
وك اعوفك من نموتن سوية
***
اذبح الروح لو صارت .... عداهة
وعوف الناس كلهة ما .... عداهة
ما تنحسب يا ناس اشمالك .... عداهة
بس ملاكي ما يعبر علية
***
هاي اكو وحدة احبهة كلش اسمهة لينا و كتبتهة على اسمهة و انشالله تعجبكم
احبچ ما احب غيرچ يا .... لينة
اذا گلبي انخشب خل بيدچ .... ولينة
لا تهجرني اترجاك لو ترد .... لينة
وك موتني ولا تبعد علية
الإثنين فبراير 18, 2008 8:10 pm
